Asistentët e mjekëve, të mbingarkuar

Asistentët e mjekëve janë ankuar që po punojnë shumë. Si rezultat i kësaj pakënaqësie ata kanë paraqitur një peticion. Për dhjetë vjet është në fuqi ligji i punës për mjekët dhe asistentët e tyre. Kjo do të thotë se ata nuk janë të lejuar të punojnë mesatarisht më shumë se pesëdhjetë orë në javë. Një […]

Asistentët e mjekëve janë ankuar që po punojnë shumë. Si rezultat i kësaj pakënaqësie ata kanë paraqitur një peticion.

Për dhjetë vjet është në fuqi ligji i punës për mjekët dhe asistentët e tyre. Kjo do të thotë se ata nuk janë të lejuar të punojnë mesatarisht më shumë se pesëdhjetë orë në javë. Një studim i porositur nga shoqata e personelit mjekësor „VSAO” tregon se për shtatëdhjetë për qind të asistentëve këto kërkesa nuk janë përmbushur. Ata punojnë shumë më tepër.

Por ka përjashtime. Në spitalin Muri (AP) situata është përshkallëzuar javët e fundit. Asistentët mjekësorë u kthyen me zemërim ndaj sindikatës, sepse ata duhet të punojnë më shumë se sa është e lejuar, në raste ekstreme 17 ditë. E kjo është e paligjshme. Kodi i Punës lejon një maksimum prej shtatë ditë rresht të jetë në shërbim të pacientëve një asistent i mjekut. Drejtori i spitalit , Marco Beng, ka thënë në emisionin e SRF “Rundschau” se një veprim i këtillë ishte gabim.

Një studim konstaton se mjekët të cilët kanë punuar për më shumë se dhjetë orë, janë në të njëjtën gjendje sikur të  kenë 0.8 promila të alkoolit në gjak.