Lea Ypi prezanton librin “Indignity” në LSE Library

Autorja dhe profesoresha në London School of Economics u takua me lexuesit në kuadër të aktivitetit “Meet the Author”, ku u diskutuan temat kryesore të librit të saj më të ri.

Në Bibliotekën e London School of Economics (LSE Library) është mbajtur një pasdite e veçantë me profesoren dhe autoren Lea Ypi, e cila prezantoi librin e saj më të ri “Indignity”, përcjell albinfo.ch. 

Ypi ishte e ftuar nga rrethi letrar “Book Beavers” në kuadër të takimit “Meet the Author” (“Takohu me autorin”), ku u zhvillua një bisedë rreth temave dhe mesazheve që trajton vepra.

Diskutimi u moderua nga menaxherja e bibliotekës, Dafina Rama, dhe u karakterizua me një debat të gjallë e të thelluar akademik. Në sallën e mbushur plot, ku ishin të pranishëm edhe kolegë të LSE-së, pjesëmarrësit u angazhuan me pyetje dhe reflektime të shumta mbi librin./Albinfo.ch 

---