Reagon ekipi i Vjosa Osmanit pas shpërndarjes së Kuvendit: Shihemi

Këshilltarja Egnesa Vitija publikoi një fotografi të ish-Presidentes, ndërsa Kurti e akuzoi Osmanin për tentim të shpërndarjes së Kuvendit me dekret jokushtetues.

Pas shpërndarjes së Kuvendit të Kosovës, ka reaguar ekipi i ish-Presidentes Vjosa Osmani, përcjell albinfo.ch.

Këshilltarja e saj, Egnesa Vitija, ka publikuar në rrjete sociale një fotografi të Osmanit, duke e shoqëruar me mbishkrimin e shkurtër: “Shihemi”.

Ky reagim vjen në një kohë të zhvillimeve të reja politike, ku vendi pritet të shkojë drejt zgjedhjeve të reja.

Ndërkohë, në fjalimin e mbajtur mbrëmë, Kryeministri i Kosovës Albin Kurti ka kritikuar ish-Presidenten Osmani, duke deklaruar se ajo kishte tentuar shpërndarjen e Kuvendit përmes një dekreti që ai e cilësoi si jokushtetues.

Deklaratat dhe reagimet e fundit tregojnë për rritjen e tensioneve politike, ndërsa pritet që në ditët në vijim të ketë zhvillime të tjera lidhur me procesin zgjedhor dhe pozicionimet e partive politike./Albinfo.ch 

---