Frikë nga infiltrimi i terroristëve në mesin e refugjatëve

Bazë për dyshime të tilla japin rastet kur në Zvicër hyjnë azilkërkues pa dokumente udhëtimi, identiteti i të cilëve pastaj nuk mund të sqarohet në tërësi

Foto ilustrim

Zvicra nuk mund të përjashtojë mundësinë që në mesin e refugjatëve që kërkojnë azil në vend të ketë edhe të tillë që kane motive terroriste.

Kjo është përgjigja që qeveria e vendit i ka dhënë një pyetjeje te bërë nga FDP në parlament. Më tutje në përgjigje thuhet se nuk ka garanci se pranimi i personave të veçantë në Zvicër është gjithmonë pa rrezik, shkruan srf.ch.

Bazë për dyshime të tilla japin rastet kur në Zvicër hyjnë azilkërkues pa dokumente udhëtimi, identiteti i të cilëve pastaj nuk mund të sqarohet në tërësi.

Mundësi tjetër për rrezikun e hyrjes se personave të dyshimtë është në resurset e kufizuara që ka Shërbimi i Inteligjencës (Shërbimi Informativ i Zvicrës). Ai, gjatë vitit të kaluar ka bërë kontrollimin dhe verifikimin e përpikët të rreth 2500 azilkërkuesve.