Shoqata e Mjekëve Shqiptarë në Austri do të organizojë simpoziumin e radhës shkencor

Shoqata fton të gjithë të interesuarit të bëhen pjesë e kësaj ngjarjeje të rëndësishme për komunitetin mjekësor shqiptar, thuhet në njoftim

Shoqata e Mjekëve Shqiptarë në Austri (SHMSHA) njofton të gjithë kolegët dhe profesionistët shëndetësorë se më 13 Qershor 2026 në qendrën klinike universitare në Graz do të organizojë simpoziumin e radhës shkencor.

-​Ky aktivitet do të bëjë bashkë mjekë dhe ekspertë të fushave të ndryshme, të cilët do të prezantojnë punimet e tyre kërkimore dhe të rejat e fundit nga mjekësia bashkëkohore, transmeton albinfo.ch.

Simpoziumi ka një karakter të mirëfilltë interdisiplinar, duke u fokusuar në shkëmbimin e përvojave dhe rritjen e standardeve profesionale.

-​Synimet kryesore të takimit.

​Rrjetëzimi:

Fuqizimi i lidhjeve mes mjekëve shqiptarë që jetojnë dhe veprojnë në diasporë e trojet amtare.

-​Socializimi:

Krijimi i një mjedisi kolegial për shkëmbim idesh.

-​Bashkëpunimi:

Shndërrimi i këtij simpoziumi në një platformë afatgjatë për projekte të përbashkëta shkencore.

​”Shpresojmë që ky takim të shërbejë si një urë lidhëse për ide dhe bashkëpunime të mirëfillta ndërmjet profesionistëve shqiptarë, kudo që ata ndodhen”, shprehet SHMSHA në ftesën drejtuar kolegëve.
​Shoqata fton të gjithë të interesuarit të bëhen pjesë e kësaj ngjarjeje të rëndësishme për komunitetin mjekësor shqiptar, thuhet në njoftim.

Vehbi Haliti

---