Kosova po tërheq turistë nga e gjithë bota: 32 mijë vizitorë vetëm në shkurt

Foto FB: Embassy of Sweden in Pristina

Kosova po tërheq gjithnjë e më shumë turistë të huaj. Të dhënat e Agjencisë së Statistikave të Kosovës (ASK) tregojnë se gjatë muajit shkurt 2026, vendin e vizituan 32,228 vizitorë nga jashtë. Kjo shënon një rritje prej 16.1% krahasuar me shkurtin e vitit 2025, kur numri i turistëve të huaj ishte 27,769.

Turistët më së shumti kanë ardhur nga Shqipëria, Gjermania, Turqia dhe Zvicra, duke konfirmuar interesin e shtuar për vendin.

Numri i përgjithshëm i vizitorëve që qëndruan në hotele në shkurt ishte 56,644, ku 24,416 ishin vendas dhe 32,228 të huaj. Në krahasim me të njëjtën periudhë të vitit të kaluar (51,795 vizitorë), kjo përfaqëson një rritje prej 9.4%.

Gjithashtu, net-qëndrimet në hotele arritën 112,367, prej të cilave 60,513 (53.8%) i përkisnin turistëve të huaj, ndërsa 51,854 (46.1%) vizitorëve vendorë.