Vdes piloti gjatë spektaklit me fluturime akrobatike

Keystone

Në një aviospektakël në Dittingen të kantonit Baselland janë ndeshur sot njëri me tjetrin në ajër dy aeroplanë dhe janë rrëzuar. Me këtë rast ka humbur jetën njëri pilot ndërsa tjetri ka arritur të lëshohet në tokë me parashutë.

Një zëdhënës i policisë ka njoftuar se aksidenti ka ndodhur pak pas orës 11 gjatë kohës sa po mbahej para shikuesve të shumtë spektakli i fluturimeve akrobatike të aeroplanëve. Zëdhënësi ka shtuar se lajmi i është bërë i ditur me altoparlant edhe publikut të pranishëm. Me atë rast është mbajtur një minut heshtje.

Pas aksidentit është ndërprerë spektakli.

Aktiviteti ishte organizuar për të bërëprezantimin e grupit të fluturakeve “Grasshoppers” nga Gjermania. Aeroplanët fluturonin në formacion treshesh, me distancë vertikale nga njëri tjetri.