Rënie e eksportit dhe importit gjatë korrikut

Tregtia e Zvicrës me jashtë ka pësuar një rënie të theksuar gjatë muajit korrik. Eksportet zvicerane në muajin e përmendur kanë qenë për 7.4 për qind më te ulëta se një muaj më parë, bën të ditur Administrata Federale e Doganave.

Rreth 80 për qind të degëve ekonomike që eksportojnë mallra janë të prekura nga kjo rënie, njofton srf.ch.

Gjithashtu gjatë periudhës së përmendur rënie kanë regjistruar edhe importet. 8.3 për qind më pak mallra se në qershor ka importuar Zvicra gjatë korrikut të këtij viti. Kjo rënie është si rezultat i çmimeve më të ulëta të produkteve të jashtme.

Por me gjithë këtë rënie të eksportit, Zvicra gjatë korrikut më shumë ka eksportuar se ka importuar mallra. Ndryshimi në mes të eksportit dhe importit ka qenë 3.7 miliardë franga (ë favor të eksportit).