Më shumë para për azil

Këshilli Federal do të kërkojë në Parlament një kredi shtesë për çështjen e azilit në vlerë prej 188 milionë frangash zvicerane. Kërkesa e tillë vjen për shkak se në Zvicër vijnë më shumë kërkesa për azil.

Departamenti Federal i Financave (FDF) konfirmoi se janë shtuar nevojat financiare për sistemin e azilit me rritjen e numrit të kërkesave për azil.

Në gjysmën e parë 2015 janë regjistruar 16 për qind më shumë kërkesa për azil se në gjysmën e parë të vitit të kaluar.

Në përgjithësi, Sekretariati i Shtetit për Migrim (SEM) për këtë vit pret rreth 29.000 aplikacione për azi. Buxheti aktual për vitin 2015 është parashikuar 22 mijë kërkesa për azil.

Në korrik Parlamenti kishte miratuar një kredi shtesë për azilin. Bëhet fjalë për 44.2 milionë franga zvicerane që ishin planifikuar për qendrën federale të azilit në Giffers FR.