Zviceranët, kampionë në vozitjen me tren

Zviceranët janë kampionë absolutë në Evropë sa i përket shfrytëzimit të trenit si mjet transporti. Kjo shprehet si në numrin e kilometrave të kaluar me tyre ashtu dhe me numrin e udhëtimeve me tren. Sa i përket kilometrave të kaluar mbi rrotat e trenit udhëtarët zviceranë madje janë të parët edhe në botë. Ndërsa vetëm japonezet ua kalojnë atyre me numrin e udhëtimeve të ndërmarra brenda vitit.

Kështu, një zviceran shfrytëzon trenin mesatarisht 59 herë në vit ndërkohë që një japonez këte e bën 72 herë. Por zvicerani i kalon me tren mesatarisht 2288 kilometra gjatë vitit ndërsa japonezi 20142 kilometra, ka bërë të ditur Shërbimi për Informim i Transportit Publik të Zvicrës të martën.

Sa u përket evropianëve, Zvicra i lë larg, më shumë se “në gjysmë te udhës” të gjitha shtetet, në të dy kategoritë. Austriakët, për shembull, që zënë vendin e dytë, bëjnë mesatarisht vetëm nga 29 udhëtime në vit për banor ndërsa britanikët 26 dhe gjermanët 25 sish.