Ylfete Fanaj hapi zyrtarisht stacionin e policisë në Ebikon

Vendndodhja e re i ofron publikut një pikë kontakti për pyetje dhe këshilla në lidhje me sigurinë

Me ceremoninë simbolike të prerjes së shiritit,  Ylfete Fanaj, drejtuese e Departamentit të Drejtësisë dhe Sigurisë të Kantonit të Lucernës hapi zyrtarisht sot stacionin e ri të policisë në Ebikon.

Vendndodhja e re i ofron publikut një pikë kontakti për pyetje dhe këshilla në lidhje me sigurinë.

Për të forcuar lidhjet e saj me komunitetin, policia e Lucernës po zbaton një program të ri të policimit në komunitet në rajonin e Ebikonit. Oficerë policie të trajnuar posaçërisht do t`i shërbejnë komunitetit me kohë të plotë, thuhet në një njoftim nga Departamentii i Drejtësisë dhe Sigurisë.

Philipp Meyer tani do të marrë këtë rol si specialist i policimit në komunitet për komunat e Ebikon, Buchrain dhe Dierikon.

---