Më 2 mars nënshkruhen marrëveshjet e reja mes Zvicrës dhe BE-së

Bernë dhe Bruksel finalizojnë paketën Bilateral III, duke hapur një kapitull të ri bashkëpunimi mes Zvicrës dhe Bashkimit Evropian

Zvicra dhe Bashkimi Evropian do të nënshkruajnë më 2 mars marrëveshjet e mbetura të paketës së re Zvicër–BE, e njohur si Bilateral III, përcjell albinfo.ch.

Sipas një njoftimi për media të publikuar të mërkurën nga Këshilli Federal, ceremonia e nënshkrimit do të zhvillohet në Bruksel, ku palët do të formalizojnë marrëveshjet dhe protokollet përkatëse, si dhe një deklaratë të përbashkët për krijimin e një dialogu të nivelit të lartë mes Zvicrës dhe BE-së.

Ky hap vjen pas nënshkrimit, më 10 nëntor 2025, të Marrëveshjes për Pjesëmarrjen e Zvicrës në Programet e Bashkimit Evropian (EUPA), e cila përbën fazën e hershme të paketës Bilateral III dhe u firmos mes Bernë dhe Brukselit.

Në ceremoninë e së hënës, Zvicra do të përfaqësohet nga presidenti Guy Parmelin, ndërsa në emër të Bashkimit Evropian do të marrë pjesë Ursula von der Leyen, presidente e Komisioni Evropian.

Nënshkrimi i kësaj pakete konsiderohet një hap kyç drejt forcimit të marrëdhënieve institucionale dhe zgjerimit të bashkëpunimit ndërmjet Zvicrës dhe Bashkimit Evropian në fusha strategjike.

---