Numër rekord pasagjerësh në Aeroportiin e Cyrihut

Koha e pushimeve verore është zakonisht edhe kohë e shtimit të numrit të pasagjerëve në linjat ajrore. Dhe është pikërisht kjo kohë që i ka sjellë Aeroportit të Cyrihut numrin rekord të pasagjerëve për të gjitha kohët deri tash.

Më 19 korrik, ditë e shtunë, në këtë aeroport, më të madhin në Zvicër, kanë aterruar ose kane marrë udhë për më tutje plot 96.768 udhëtarë.

Rekordi i mëparshëm i një dite ishte 93.400 pasagjerë, bën të ditur shërbimi përkatës i aeroportit të Cyrihut.

Sikurse 19 korriku, edhe tri ditët pasuese kane qenë ditë rekorde në krahasim me ditët e njëjta të viteve të mëparshme.

Gjithsej gjatë muajit korrik në këtë aeroport janë regjistruar 2 milionë e 673965 pasagjerë që është për 5.7 për qind më shumë se në muajin korrik te vitit 2014.
Po ashtu gjatë korrikut edhe aeroplanët kanë fluturuar me kapacitet më të madh. Mesatarisht ata kanë bartur nga 123 pasagjerë që i bie 5.2% më shumë se në korrikun e vitit 2014.