10.000 franga shpërblim kush jep të dhëna për dhunuesin nga Emmen-i

Përdhunimi që ka ndodhur më 21 korrik në Emmen të Lucernit, viktima e të cilit, një femër 26 vjeçare ka pësuar edhe paralizë, ka ngjallur zemërim të madh në mesin e popullatës. Viktima gjendet ne trajtim dhe ende nuk është në gjendje për t`u marrë në pyetje.

Autori i krimit ende nuk është gjetur, ndërsa policia dhe prokuroria po marrin të gjitha masat për t`i rënë në gjurmë. Në mesin e këtyre masave është edhe shpallja e një shpërblimi për atë që ofron të dhëna të cilat çojnë në kapjen e kriminelit.

Ky shpërblim shkon deri në 10 mije franga, njofton televizioni publik i Zvicrës, duke iu referuar prokurorisë përgjegjëse.

Policia ka përpiluar edhe një katalog pyetjesh që pritet të ndihmojë në zbulimin e dorasit. Po ashtu policia ka hapur një linjë telefonike (hotline). Indiciet ose dëshmitë për kriminelin e arratisur policia i merr në telefonin: 041 248 81 17 ose në adresën elektronike [email protected]