Doktoresha frynte faturat, duhet t’i kthejë 220.000 franga

Një mjeke në kantonin e Fribourgut është pasuruar duke i mashtruar sigurimet shëndetësore. Këto të fundit kanë fituar para gjyqit

Jo më pak se 50 sigurime shëndetësor janë ankuar kundër doktoreshës nga Fribourgu, ato kanë shprehur dyshimet e tyre për fryrje të faturave në lidhje me shërbimet e saj.

Në vitin 2005 ajo përfitonte financiarisht nga çdo pacient, prej të cilëve fitonte mesatarisht afro 1670 franga. Ndërsa kolegët e saj fitonin mesatarisht vetëm 950 franga. Dhe vitet që pasuan doktoresha ka mbetur në vendin e parë të tarifave më të larta, ka bërë të ditur të hënën gazeta e përditshme gjermanofolëse “Berner Zeitung”.

Tribunali i arbitrazhit në Fribourg për sigurime ka dhënë vendimin e tij. Ai mbështeti sigurimet shëndetësore. Sipas gjykatës, mjekja nuk ka demonstruar mjaft se rastet e saj ishin më të vështira se sa të kolegëve të saj. Ai e ka dënuar atë duke e detyruar të kthejë 220.ooo franga për vitet 2005 deri në vitin 2008. Sipas gjykatës, faturat e lëshuara nga viti 2009 korrespondojnë me ato të praktikuesve të tjera të rajonit.