Inteligjenca artificiale po ecën me ritëm shumë të shpejtë

Komentet e Altman vijnë disa ditë pasi OpenAI lëshoi atë që u quajt një “kod i kuq”, një paralajmërim për punonjësit që t’i kushtonin më shumë kohë përmirësimit të ChatGpt

Inteligjenca artificiale po ecën shumë shpejt dhe ka një listë të gjatë gjërash që shkuan keq me zhvillimin e ChatGpt, theksoi Sam Altman, CEO i OpenAI, kompania mëmë e chatbot-it të njohur.

“Kjo teknologji është vetëm tre vjeçe. Asnjë tjetër nuk ka pasur një sukses kaq të shpejtë’’, shtoi ai, shkruan ATSH, transmeton albinfo.ch.

Edhe pse ai e njeh potencialin e IA-së për të zgjidhur kompleksitetet mjekësore, CEO nuk e fsheh frikën e tij se ‘’shoqëria nuk ka kohë për t’u përshtatur ose për të vendosur rregullore të përshtatshme, duke lënë hapësirë ​​për keqpërdorim të mundshëm nga aktorë keqdashës’’.

“Vitin tjetër, shpresoj se do të fillojmë të shohim këto modele të bëjnë zbulime të reja shkencore vërtet të vogla, por të rëndësishme. Dhe në pesë vjet, ndoshta ato do të kurojnë sëmundje. Por ne duhet t’ia paraqesim këtë botës me përgjegjësi”, shtoi ai.

Kur u pyet se kur mund të arrihet IA “perfekte”, Altman u përgjigj: “Shpresoj kurrë. Si njerëz, ne jemi gjithmonë të shtyrë të përmirësohemi, të duam të arrijmë një kulm më të lartë. Dhe shpresoj që kjo të vazhdojë përgjithmonë. Ne e filluam këtë vit me modele që mund të bënin disa llogaritje matematikore, dhe deri në fund të vitit 2025, ata po bëjnë llogaritjet më mirë se ekspertët, duke shkëlqyer në garat më të vështira.”

Komentet e Altman vijnë disa ditë pasi OpenAI lëshoi ​​atë që u quajt një “kod i kuq”, një paralajmërim për punonjësit që t’i kushtonin më shumë kohë përmirësimit të ChatGpt.

Një “kod portokalli” ishte shpallur në gusht pasi modeli i fundit i chatbot-it të njohur dështoi të bindte përdoruesit.

---