Rriten çmimet e sigurimit shëndetësor

Trendi i ngritjes së çmimeve të premive shëndetësore në Zvicër do të vazhdojë edhe për vitin që vjen. Kjo është konfirmuar nga Federata e Fondeve (arkave) Shëndetësore të Zvicrës, Santesuisse.

Në një intervistë dhënë radios nacionale publike të Zvicrës SRF drejtorja e Santesuisse, Verena Nold për herë të parë ka bërë të ditur shkallen e shtrenjtimit të premive të përmendura në vitin që vjen. 3 deri 4 për qind do të jetë kjo ngritje ka thënë Nold, duke shtuar se në disa kantone mund të ketë rritje edhe më të madhe të këtyre çmimeve.

“Në kantonet ku ka shumë mjekë specialistë, pra kantonet me qendra të mëdha dhe ku gravitojnë regjione të gjera si në Cyrih, Gjenevë dhe Basel-Stadt mund të llogaritet me ngritje më të mëdha se sa në kantonet rurale”, ka sqaruar ajo.