Përpjekje tjetër për të shtrenjtuar vinjetat

Edhe pse qytetarët më 2013 votuan kundër një rritje të çmimeve të vinjetave, tani po bëhet një përpjekje e re për të shtrenjtuar vinjetat nga 40 në 70 franga.

Rritja e çmimeve të vinjetave nga 40 në 100 franga ishte refuzuar në referendumin e vitit 2013.
Tani këshilltarët Peter Bieri (CVP) dhe Georges Theiler (FDP) kanë planifikuar një nismë të re. Ata synojnë ngritjen e çmimeve në 70 franga.

Koncepti i ri është i përkrahur nga shumica e Komisionit të transportit. Por asgjë nuk është vendosur ende.

“Ne jemi tani duke pritur për një shenjë të pranimit”, thotë Bieri për “Tages Anzeiger”.
Të dy kantonet dhe organizatat duhet së pari të komentojnë mbi konceptin e ri të vinjetave.