Zhegrova: Besojmë se do t’ia arrijmë qëllimit për t’u kualifikuar në Botëror

Edon Zhegrova optimist: Dy ndeshje na ndajnë nga ëndrra e Botërorit

Edon Zhegrova është shprehur optimist për mundësinë që Kosova të arrijë kualifikimin në Kampionatin Botëror, pasi përfaqësuesja ka siguruar tashmë një vend në plejof, përcjell albinfo.ch.

“Është kënaqësi që jemi kualifikuar në plejof. Ky është vetëm një hap, ndërsa hapi tjetër janë dy ndeshjet vendimtare që na presin. Me ekipin që kemi, besojmë se do t’ia dalim”, tha Zhegrova.

Ai theksoi ndjesinë e veçantë kur vesh fanellën e Kosovës. “Është nder i madh të luaj për vendin tim. E kam pasur gjithmonë përkrahjen e tifozëve”.

Zhegrova u ndal edhe te e ardhmja e tij në klub: “Është ëndërr të jesh pjesë e Juventusit, por më mbetet shumë punë. Për momentin ndihem shumë mirë fizikisht, jam 100 për qind. Edhe klubi e di. Më duhet vetëm të punoj edhe më shumë”.

---