Maqedoni e Veriut: Të hënën fillon fushata zgjedhore

EPA/GEORGI LICOVSKI

Në Maqedoni të Veriut të hënën fillon fushata zgjedhore për partitë politike dhe kandidatët e pavarur që do të marrin pjesë në zgjedhjet lokale teksa pothuajse të gjithë pjesëmarrësit në zgjedhjet lokale kanë nënshkruar një kod sjelljeje për zgjedhje të ndershme dhe demokratike, transmeton albinfo.ch.

Bëhet e ditur se ata sigurojnë se nuk do të ushtrojnë asnjë presion mbi punonjësit e administratës publike gjatë procesit zgjedhor dhe do të përmbahen nga gjuha e urrejtjes.

Në Komisionin Shtetëror të Zgjedhjeve, pjesëmarrësit në zgjedhje do të nënshkruajnë një kod sjelljeje për zgjedhje të drejta dhe demokratike.

Ndryshe, zgjedhjet lokale në Maqedoni të Veriut do të mbahen më 19 tetor, ku do të zgjedhin kryetarët e komunave me mandat katër vjeçar.