Donika Krasniqi në klipin e këngëtarit të njohur zviceran

Donika Krasniqi nuk arriti vitin e kaluar të bëhet  “Miss Zvicra 2014”, por ajo vazhdon me projekte të ndryshme në fushën e modës. Në fillim të këtij viti bukuroshja kosovare që jeton në Neuchatel ka nënshkruar një kontratë me agjencinë e modës nga Parisi “Jana Hernette Modelscouting”.

Ndërkohë këto ditë është dal edhe klipi më i ri i këngës “Shadows” i këngëtarit të njohur zviceran Sebalter, kurse pjesë e këtij klipi është edhe Donika Krasniqi.

Sebalter në vitin 2014 e përfaqësoi Zvicren në Eurovisionin e zhvilluar në Kopenhagë me këngën “Hunter of Stars”.

Në anën tjetër Donika është studente në degën e artit, kurse gjatë kësaj kohe ajo është duke qëndruar në Paris ku po zhvillon fotosesione të ndryshme për kompani franceze.