Rritja ekonomike zvicerane për 0.4 për qind më 2015

Fazën e recesionit që është duke kaluar ekonomia zvicerane, me një rënie të pritshme në Produktin e Brendshëm Bruto (PBB), dy herë radhazi këtë vit, do ta kompensojë me rritjen në gjysmën e dytë të 2015-ës, kështu që norma e rritjes për një vit do të arrijë në 0, 4 për qind, parashikon instituti zviceran për hulumtim KOF.

Ky institut kishte publikuar parashikimin në mars, sipas të cilit rritja e PBB-së në vitin 2015 duhet të arrijë 0.2 për qind.

Siç thuhet, parashikimi i ri është i bazuar në faktin se mjedisi ndërkombëtar që nga marsi i këtij viti është përmirësuar, sidomos në Bashkimin Evropian, që është partneri kryesor tregtar i Zvicrës, ndërsa në rajone të tjera situata është më pak e favorshme.

Paralelisht Zvicra do të vazhdojë të vuajë efektet e vendimit të Bankës Nacionale nga mesi i janarit për të lënë kontrollin e frangut kundrejt euros, thonë ekspertët e KOF.

Prodhimi do të vazhdojë të bjerë në tremujorin e dytë në krahasim me të njëjtën periudhë të vitit të kaluar, thonë analistët e KOF.