Kosovë: 18 vatra zjarri aktive

Agjencia e Menaxhimit Emergjent (AME) ka njoftuar se, nga ora 8:00 deri në orën 14:00 të së dielës, janë regjistruar gjithsej 37 vatra zjarri në territorin e vendit, raporton albinfo.ch.

Sipas raportit, 18 prej tyre vazhdojnë të jenë aktive, ndërsa 19 të tjera janë lokalizuar nga ekipet e zjarrfikësve.

“Menaxhimi i situatës po zhvillohet në koordinim të plotë me Njësitë Profesionale të Zjarrfikjes dhe Shpëtimit. Agjencia shpreh mirënjohje për përkushtimin e palodhshëm të zjarrfikësve dhe angazhimin e tyre në terren në përballje me zjarret,” thuhet në njoftimin e AME-së, raporton albinfo.ch.