Zvicra fiton ndaj Kosovës në basketboll

Foto: FIBA

Zvicra shënoi fitore ndaj Kosovës në çerekfinale të FIBA U20 Kampionatit Evropian, Divizioni B, që po zhvillohet në Armeni.

Në një sfidë kryesisht të baraspeshuar, Dardanët e rinj pësuan nga Zvicra 72:61 (20:15, 20:23, 14:11, 18:12).

Në pjesën e parë u zhvillua luftë e madhe për çdo top, ku çereku i parë përfundon 20:15 në të mirë të Zvicrës, derisa i dyti 20:23 për Dardanët, për të shkuar në pushim me rezultat 40:38.

Edhe perioda e tretë ishte e niveluar 14:11, kurse në atë të fundit, Zvicra ruajti dhe shtoi epërsinë për të fituar 72:61.

Erolt Rrahmani kishte 12 pikë e nëntë kërcime, derisa nga 13 pikë shtuan Rron Dahsyla dhe Arlind Konjuhi.

Kosova të shtunën do të luajë për vendet 5-8 me Britaninë e Madhe, derisa Zvicra do të luajë me Letoninë në gjysmëfinale.