Dështon për të 37-tën herë konstituimi i Kuvendit

Ka dështuar sërish konstituimi i Kuvendit të Kosovës, duke shënuar dështimin e 37-të me radhë, përcjell albinfo.ch.

Kryesuesi i seancës, Avni Dehari, kërkoi nga subjektet politike të propozojnë nga një përfaqësues për Komisionin Zgjedhor, por as kësaj radhe nuk kaloi propozimi.

Me 52 vota për, asnjë kundër dhe asnjë abstenim, seanca u ndërpre për të vazhduar pas 48 orësh.

Ndryshe, pas zgjedhjeve parlamentare të mbajtura më 9 shkurt, Kuvendi i Kosovës nuk ka arritur të konstituohet, pasi partia fituese, Lëvizja Vetëvendosje (LVV), nuk po siguron votat e mjaftueshme për të zgjedhur Kryetaren e Kuvendit. Kandidatja e propozuar nga LVV për këtë post, Albulena Haxhiu, nuk ka marrë përkrahjen e nevojshme.

Subjektet politike PDK, LDK dhe AAK kanë deklaruar se nuk do ta votojnë Haxhiun për këtë pozitë, ndërsa LVV ka deklaruar se nuk do ta ndërrojë kandidaten e tyre.