Gjenevë: Hapet qendra e re federale për azilkërkuesit pranë aeroportit

(KEYSTONE/Christian Beutler)

Qendra e re Federale për Azilkërkuesit në Grand-Saconnex, e cila është pritur me kritika nga grupet për të drejtat e migrantëve, hapi zyrtarisht dyert të hënën. Të mërkurën, disa media patën mundësinë të vizitojnë ambientet për të siguruar transparencë, sipas Sekretariatit Shtetëror për Migracionin (SEM).

“Ky qendër bën pjesë në reformën e sistemit të azilit që u miratua nga popullsia zvicerane në vitin 2016, përfshirë edhe në kantonin e Gjenevës,” u shpreh zëdhënësja e SEM-it, Anne Césard. Qendra përmban 250 vende akomodimi nga gjithsej 5,000 që planifikohen në gjithë vendin, ku një e katërta ndodhen në Zvicrën frankofone. “Këto vende janë të nevojshme,” theksoi ajo, transmeton albinfo.ch.

Ndërtimi i ri, me një kosto prej rreth 27 milionë frangash zvicerane, ndodhet pranë aeroportit të Gjenevës, afër autostradës, në një tokë të kantonit.

Personat që aplikojnë për azil do të qëndrojnë aty për një periudhë maksimale prej 140 ditësh, me përjashtim të të miturve të pashoqëruar. “Për kantonin, kjo do të thotë më pak persona që kalojnë në procedura të gjata,” sqaroi Césard.

Hapja e qendrës u shoqërua edhe me protesta nga qytetarë dhe aktivistë që kundërshtojnë vendndodhjen dhe kushtet e pritjes për azilkërkuesit.