Evakuimi i pesë shqiptarëve nga Izraeli, tre nga ta arrijnë në Tiranë

Tre shqiptarë të evakuuar nga Izraeli kanë arritur në Tiranë.

Kjo është bërë e ditur nga Igli Hasani, ministër për Evropë dhe Punë të Jashtme i Shqipërisë, përcjell albinfo.ch.

Ai në një njoftim në Facebook shkruan se shtetasi i katërt shqiptar do të arrijë sonte në Shqipëri, kurse një tjetër në Greqi, pasi është rezident atje.

“MEPJ përmes ambasadave të saj, ka ndjekur me vëmendje çdo hap të evakuimit të pesë shtetasve shqiptarë nga Izraeli. Ata mbërritën shëndoshë e mirë në Athinë, në orët e para të mëngjesit. 3 prej tyre kanë vazhduar rrugën dhe gjenden tashmë në Tiranë. Njëri kthehet sonte në mbrëmje në Shqipëri, ndërsa personi i pestë është rezident në Greqi dhe do të qëndrojë në vendin fqinj”, njoftoi Hasani.

---