Takim miqësor në Yverdon: FC Yverdon Women përballet me KFF Prishtina – i pranishëm edhe Përparim Rama

Këtë të premte, më 20 qershor, nga ora 19:30, në stadiumin e Yverdon-les-Bains do të zhvillohet një ndeshje miqësore ndërmjet ekipit vendas FC Yverdon Women dhe ekipit të futbollit nga Kosova, KFF Prishtina, që përfaqëson me krenari futbollin e femrave dhe mbështetet nga sponsorë nga diaspora, Gupi Orllati në Llozanë.

Një ngjarje sportive me karakter simbolik, që synon të forcojë lidhjet mes komuniteteve dhe të promovojë sportin si një urë bashkimi.

Në këtë aktivitet do të jetë i pranishëm edhe kryetari i Komunës së Prishtinës, z. Përparim Rama, i cili do të mbështesë këtë iniciativë në emër të qytetit që përfaqëson.

Ftohen të gjithë dashamirësit e sportit dhe përfaqësuesit e komunitetit shqiptar në Zvicër që të marrin pjesë dhe të përkrahin këtë aktivitet të veçantë, që i jep vëmendje dhe dinjitet futbollit të femrave.