Jehon kënga shqipe në Berlin

Një koncert me këngë shqipe nga Kosova

Në kuadër të Javës së Kulturës së Kosovës në Berlin, ditë më parë u mbajt një koncert i bukur në kryeqytetin e Gjermanisë, përcjell albinfo.ch.

Në një atmosferë të jashtëzakonshme, publikut iu prezantuan grupet muzikore nga Kosova “Asgjë sikur dielli “ dhe Dren Abazi & Zig Zag Orchestra.

“Performanca e tyre u prit me entuziazëm nga një publik i larmishëm: përfaqësues të institucioneve gjermane, deputetë, ambasadorë, përfaqësues të korit diplomatik, artdashës dhe pjesëtarë të jashtëzakonshëm të mërgatës sonë”, njofton Ambasada e Kosovës në Gjermani.

Koncerti u veçua jo vetëm për performancat muzikore, por edhe për pamjen skenike, e cila i dha ngjarjes një dimension të veçantë emocional dhe simbolik. Përmes projeksioneve vizuale dhe elementeve të menduara me kujdes, në skenë u paraqit rrugëtimi i popullit të Kosovës  figurat historike, dekada të qëndresës, përpjekjeve dhe shpresës së pandalshme për liri, bën të ditur Ambasada e Republikës së Kosovës në Berlin.

Postimi i plotë:

Një mbrëmje kur zemra e Berlinit rrahu në ritmin e muzikës sonë! 🎶

Një koncert për t’u mbajtur mend, me një atmosferë të jashtëzakonshme në Kesselhaus & Maschinenhaus (Kulturbrauerei). Performanca e grupeve tona muzikore Asgje sikur dielli dhe Dren Abazi & Zig Zag Orchestra la një shije të paharrueshme dhe u prit me entuziazëm nga një publik i larmishëm: përfaqësues të institucioneve gjermane, deputetë, ambasadorë, përfaqësues të korit diplomatik, artdashës dhe pjesëtarë të jashtëzakonshëm të mërgatës sonë.

Koncerti u veçua jo vetëm për performancat muzikore, por edhe për pamjen skenike, e cila i dha ngjarjes një dimension të veçantë emocional dhe simbolik. Përmes projeksioneve vizuale dhe elementeve të menduara me kujdes, në skenë u paraqit rrugëtimi i popullit të Kosovës, figurat historike, dekada të qëndresës, përpjekjeve dhe shpresës së pandalshme për liri. Çdo detaj skenik kishte një domethënie, duke krijuar lidhje të fuqishme mes historisë dhe artit tonë.

Salla ishte e mbushur përplot, dhe energjia ndihej në çdo cep të saj. Publiku shijoi performancat deri në notën e fundit, duke e kthyer këtë mbrëmje në një nga ngjarjet kulmore të javës.

Java e Kulturës së Kosovës në Berlin vazhdon… dhe zemra e #Berlinit vazhdon të rrahë në tingujt e bukur të kulturës sonë! 🇽🇰🇩🇪🇦🇱🇪🇺

Ambasada e Republikës së Kosovës në Gjermani/Botschaft der Republik Kosovo @highlight @followers #asgjesikurdielli #DrenAbazi

---