Zvicra nënshkruan me BE-në marrëveshjen për tatimet

Zvicra ka nënshkruar sot një marrëveshje me BE-në për shkëmbim automatik të të dhënave në lëmin e tatimeve. Nënshkrimet e tyre në këtë marrëveshje i kanë deponuar sot në Bruksel sekretari shtetëror i Zvicrës për çështje të financave ndërkombëtare, Jacques de Watteville dhe përfaqësuesi i lartë i BE-së.

Më parë, të martën, 28 sekretarë të shteteve anëtare të BE-së kanë miratuar po ashtu marrëveshjet e ndërsjella për shkëmbim informacionesh.

Ndërkaq Zvicra dhe BE-ja planifikojnë që duke filluar ga viti 2018 të bëjnë shkëmbimin e të dhënave bankare të personave që kanë detyrime tatimore.

Qëe kjo marrëveshje të bëhet e plotëfuqishme nevojitet edhe miratimi nga të dyja dhomat e Parlamentit të Zvicrës. Por po ashtu është i mundur edhe iniciimi i një referendumi për këtë çështje.