Zhvillim
Po mbahet takimi i Unionit Global të Bizneseve Shqiptare
Unioni Global i bizneseve shqiptare në Diasporë, dje ka nisur takimin vjetor në Prishtinë dhe shënimin e përvjetorit të parë të formimit të këtij unioni. Në këtë takim që llogaritet të jetë më i madhi që prej themelimit, po marrin pjesë kryetarët e rrjeteve të unioneve shqiptare në botë dhe biznesmenë shqiptarë të dalluar me veprimtarinë e tyre në diasporë.
Gjatë ditës së djeshme kryetarët e rrjeteve të unionit shqiptar krijuan platformën e Unionit Global, votuan për statutin e organizatës si dhe i përcaktuan rregullat e funksionimit të unionit. Nga ky takim u vendos që edhe për një vit kryetar i Unionit Global të Biznesmenëve të Diasporës Shqiptare të mbetet biznesmeni i njohur shqiptarë në Amerikë, zoti Nazar Mehmeti, ndërsa Nju Jorku u zgjodh vendi mikpritës ku do të mbahet vitin e ardhshëm takimi i dytë i Unionit Global të Biznesmenëve të Diasporës shqiptare, bën të ditur “albinfo.ch”.
Biznesmenët e dalluar shqiptarë në botë, gjatë këtij takimi diskutuan mbi modalitetet e të bërit biznes në Kosovë dhe Shqipëri, si dhe treguan përvojat e tyre të suksesit në biznes në vendet ku ata jetojnë dhe veprojnë Ndërkohë këtë takim e ka përshëndetur edhe Presidenti i nderit të këtij Unioni, biznesmeni Lazim Destani.
Po ashtu i pranishëm ishte edhe zoti Naim Deduashaj, i cili në pozitën e Drejtorit të Investimeve të Diasporës, është ideator i organizimit të këtij Rrjeti të Bizneseve Shqiptare në Diasporë, kurse I gjithë forumi është moderuar nga Yll Blakaj, kryetar i rrjetit të biznesmenëve shqiptarë në Austri dhe Ismet Smajli, biznesmen shqiptar nga Amerika.
Ndërkaq gjatë ditës së sotme janë duke vazhduar takimet e planifikuara me biznesmenë të komunës së Istogut dhe kryetarin e Komunës së Istogut, Haki Rugova. Takimi me biznesmenët që kanë investuar në Kosovë bëhet për tu njoftuar nga afër me punën e tyre. Forumi ka në axhenden e tyre edhe takime të tjera me krerët më të lartë të shtetit ndërsa përfundon gjatë ditës së shtunë.
Duhet theksuar se ky takim është mundësuar nga rrjeti i bizneseve shqiptare në Austri.
Të tjera nga Zhvillim
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?