Një fëmijë nuk lejohet t`i ketë dy etër të ligjshëm

Gjykata Federale e Zvicrës, si shkalla më e lartë e gjyqësisë në vend ka hedhur poshtë kërkesën e një çifti prej dy meshkujve homoseksualë për atësi mbi fëmijën e njëjtë. Ata nuk kanë të drejtë të regjistrohen të dy bashkë në regjistrin civil si prindër. I vetmi që mund të regjistrohet është dhuruesi i spermës, ose njëri nga partnerët, konsideron gjykata.

Dy homoseksualët që jetojnë në partneritet, dëshirën e tre për të pasur fëmijë e kishin plotësuar në Kaliforni, SHBA, përmes një gruaje të fekonduar në mënyrë artificiale spermën e njërit nga partnerët dhe e ka lindur fëmijën. Në SHBA atyre u është lejuar që të dytë të regjistroheshin në cilësinë e prindit.

Zyra e Gjendjes Civile në St. Gallen kishte refuzuar kërkesën që, përveç babait biologjik të regjistrohej si baba edhe partneri i tij homoseksual. Gjykata Administrative e Kantonit pastaj e ka kundërshtuar zyrën në fjalë. Por, përfundimisht Gjykata Federale i ka dhënë të drejtë Zyrës së Gjendjes Civile të St. Gallenit.