Gotthard: Trafik i rënduar deri pas mesnate

TCS Foto nga arkiva

Një bllokim i gjatë trafiku përpara portalit jugor të Tunelit Gotthard shkaktoi kaos të dielwn mbrëma, duke i detyruar udhëtarët të presin për orë të tëra në rrugë. Rreth orës 23:30, trafiku ishte ende i bllokuar nëntë kilometra larg hyrjes së tunelit, ndërsa një familje që kishte nisur udhëtimin nga Kremona e Italisë për në Cyrih raportoi se ishte ende 22 kilometra larg destinacionit të tunelit, më shumë se gjashtë orë pas nisjes, shkruan 20minuten, transmeton albinfo.ch.

“E pabesueshme,” citohet të ketë shkruar media zvicerane që raportoi ngjarjen. Familja ishte nisur nga Kremona në orën 17:30, për një udhëtim që zakonisht zgjat rreth 4.5 orë, por bllokimi i rëndë i trafikut ua prishi planet.

Sipas TCS (Touring Club Schweiz), situata nisi të përmirësohej ngadalë pas mesnatës, por në orën 00:30 ende priteshin vonesa deri në një orë, me kolonë trafiku që arrinte deri në gjashtë kilometra.

Megjithatë, gjatë natës, bllokimi i trafikut u zhduk dhe rruga përmes Tunelit Gotthard u hap sërish për qarkullim normal, transmeton albinfo.ch.