Franca, kundër kuotave për emigrantë

Kryeministri francez, Manuel Valls, tha se është kundër propozimit të Komisionit Evropian për të futur kuota për pranimin e emigrantëve në shtetet anëtare të BE-së që arrijnë në mënyrë të paligjshme në territorin evropian.

„Ne duam të jetë mjaft i qartë kjo çështje. Unë jam kundër futjes së kuotave për emigrantët. Kjo nuk është në përputhje me propozimet franceze”, tha Valls gjatë vizitës në kufirin franko-italian.

Autoritetet franceze në kufi me Italinë kanë penguar hyrjen e qindra emigrantëve të paligjshëm në Francë.