Reperi shqiptar Shkëlzen Kastrati –Xeni është duke ndërtuar karrierë të suksesshme në Zvicër. Albumi i tij debutues me titullin “Ich gäge mich” është renditur në vendin e katërt të listave të shitjes në Zvicër.

Për këtë album djaloshi 25 vjeçar ka punuar që tri vite. “Është një album shumë personal i cili flet për të kaluarën time., në të cilin jam futur shumë brenda tij dhe kam investuar shumë” shprehet Xeni për “20min”, transmeton “albinfo.ch”.

Por puna e tij tashmë është shpërblyer. Albumi “Ich gäge mich” aktualisht gjendet në vendin e katërt të listave zyrtare në Zvicër. Për këtë sukses edhe ai vet është paksa i befasuar. “Është fantastike kjo” thotë ia. Për këtë arritje Xeni i cili jeton në Cyrih falënderon kompaninë menaxhuese “iGroove”.

Ndërkohë, derisa albumi po ngjitet majeve të listës, Xeni ka filluar përgatitjet për albumin e dytë dhe shumë koncerte të ndryshme në Zvicër.