Një 19-vjeçar shqiptar vritet në Francë

Keystone EPA/CHRISTOPHE PETIT TESSON

Një ngjarje e rëndë ka ndodhur të dielën në mbrëmje në Clermont‑Ferrand, Francë, ku një i ri shqiptar, 19 vjeç, u vra me armë zjarri në mes të rrugës, pranë stacionit të trenit.

Sipas burimeve lokale, i riu u qëllua nga një person ende i paidentifikuar, që dyshohet të ketë hapur zjarr nga një automjet në lëvizje. Ngjarja ndodhi rreth orës 18:30, ndërsa viktima u shpall i vdekur pak më vonë, pavarësisht përpjekjeve për ta shpëtuar, transmeton albinfo.ch.

Ajo që e bën këtë ngjarje edhe më tronditëse është fakti se, sipas të njëjtave burime, i riu nuk rezultonte i përfshirë në aktivitete kriminale, dhe motivi i vrasjes mbetet ende i paqartë. Hetimet po kryhen nga një njësi e specializuar për krime të rënda.

Komuniteti shqiptar në Francë është thellësisht i tronditur. Humbja e një jete të re, pa shpjegim dhe pa drejtësi, na kujton se heshtja nuk duhet të jetë përgjigjja jonë.

Shkruan Zamira Bytyqi