Heidi Lushtaku imazh i “Clinic Lemanic Internacional”

Shpesh herë bukurinë e saj e kanë krahasuar me bukurinë e Angjelina Xholit e disa të tjerë me ish të dashurën e Kristiano Ronaldos, Irina Shyek.

Megjithatë Heidi Lushtaku qëndron me këmbë në tokë duke vazhduar me suksese të një pas njëshme. Modelistja shqiptare që jeton në Zvicër është bërë shumë e kërkuar nga kompanitë e ndryshme evropiane e sidomos ato zvicerane.

Kohë më parë “albinfo.ch” pat njoftuar për kontratën që Heidi e kishte nënshkruar me shtëpinë e modës “PKZ”.

Ndërkohë tani sapo janë shfaqur edhe fotografitë e para të Heidit nga kontrata pesë vjeçare që ka nënshkruar me kliniken e bukurisë “Clinic Lemanic International”.

“Jam shumë krenare që jam fytyra e parë dhe ambasadorja ndërkombëtare e Clinic Lemanic Internacional për pesë vitet e ardhshme”, ka thënë Heidi për “albinfo.ch” pa dashur të tregoi shumën e kontratës.

Sukseset e vajzës nga Vushtrria tashmë janë të njohura për publikun shqiptar, zviceran dhe më gjerë. Në vitin 2013 ishte finaliste e “Miss Zvicra”, më pas ajo pati një kontratë për reklamimin e cigareve elektronike në Dubai, për të vazhduar me shumë reklama të tjera në Zvicër.

Ndërkohë talentin e saj e shfaqi edhe në muzikë dhe vallëzim. Heidi ishte pjesë e shou spektaklit televiziv në Shqipëri “Dancing with the stars Albania”, si dhe ka realizuar këngën “Put it up”.