Protestë kundër dëbimit të refugjatëve në Itali

Foto Ilustrim

Në mes 500 dhe 600 persona kanë protestuar sot në Lozanë kundër dëbimit të refugjatëve në Itali. Të tubuarit kanë kërkuar që Zvicra, në raport me numrin e banorëve të saj, të pranojë numër më të madh të azilkërkuesve.
Duke marrë pjesë në këtë protestë, deputeti nga ky qytet në Dhomën e Kantoneve të Parlamentit Federal të Zvicrës, Luc Recordon ka kërkuar pranimin e pesë refugjatëve të kërcënuar me dëbim në Itali. Këta refugjatë kanë gjetur strehë për dy muaj në kishën Saint-Laurent, para së cilës është zhvilluar edhe protesta
Sipas tij, sistemi aktual në fushë të azilit është i papranueshëm. Në Zvicër ka mbi 100 mijë refugjatë ndërsa në rastin më të mirë vetëm 25 mijë vende për strehimin e tyre, ka thënë Recordon nhga Partia e Gjelbër.