8 Marsi, Dita Ndërkombëtare e Gruas

Nderim e mirënjohje për të gjitha gratë e vajzat shqiptare në diasporë

Kjo ngjarje zë fill më 8 mars 1857, kur rrobalarëset e New Yorkut u ngritën në protestë për të drejtat e tyre kundër shtypjes e shfrytëzimit të egër që u bëhej atyre në punë, përcjell albinfo.ch.

100 gra nga shumë vende evropiane dhe të Shteteve të Bashkuara të Amerikës, të mbledhura në Kopenhagë të Danimarkës, nën kryesinë e Clara Cetkinit, vendosën që 8 marsi të shënohet si Dita Ndërkombëtare e Grave.

Asokohe pati mjaft marshime, protesta dhe greva, por asnjë prej tyre nuk u zhvillua më 8 mars. Kjo datë u shfaq për herë të parë në vitin 1914 dhe, sipas gjasave, u caktua atë vit pasi qëllonte e diel. Tre vjet më vonë, gratë ruse dolën në rrugë të dielën e fundit të shkurtit, e cila, sipas kalendarit gregorian, korrespondonte me datën 8 mars, gjatë asaj që do të njihej si “protesta e bukës dhe paqes”. Vetëm në vitin 1975, Kombet e Bashkuara filluan ta festonin përfundimisht Ditën Ndërkombëtare të Gruas në këtë datë. Prej dekadash, kjo ditë vazhdon të kujtohet përmes protestave.

Për nder të kësaj dite, nënave dhe grave u jepen dhurata të ndryshme, ku dhurata më e shpeshtë është lulja, e cila ka simbolin e respektit dhe dashurisë.

Kosova të drejtën e gruas e ka të garantuar me ligj, ku në shumë institucione shtetërore, pjesëmarrja e gruas është e përcaktuar me ligje.

---