Zvicra dërgon mjekë në Nepal

Një ekip mjekësor dhjetë anëtarësh udhëtoi për në Nepal të martën në mbrëmje nga Aeroporti i Bernës. Atje ekipi zviceran do t’u ofrojë ndihmë njerëzve të prekur nga termeti. Profesionistët janë deleguar nga Qeveria e Zvicrës në kuadër të programit “Mother and Child”.

Ekipi i ndërhyrjes së shpejtë “Mother and Child” është krijuar në bazë të përvojës pas tërmetit në Haiti.

Një total prej 950 kg material janë marrë nga tetë specialistët shëndetësorë në rajonin Himalayan në Nepal. Transporti zhvillohet me anë të një aeroplani të Qeverisë, në bashkëpunim me Forcën Ajrore të Departamentit Federal të Mbrojtjes. Aktualisht është parashikuar që ekipi të mbetet dy javë në Nepal.

Dislokimi i ekipit të ndërhyrjes së shpejtë është veprimi i parë i ndërmarrë nga Qeveria Federale pas vlerësimit të bërë nga një grup ekspertësh, njofton EDA.

Këtij ekipi do t’i vijnë përforcimet nga tetë specialistë të Swiss Disaster Relief. Përveç kësaj, një dërgesë e madhe me ndihma është dërguar dhe pritet të mbërrijë të enjten.