Shkurt.ch

Rrëzohet fluturakja, dy të lënduar

E hënë, 27 Prill 2015 - 20:14 albinfo.ch

ilustrim

Sot pasdite, rreth orës 15.40, Policia Kantonale e Bernës ka marrë informatën për rrëzimin e një aeroplani në një aeroport të vogël fushor në komunën Zweisimmen.
Aeroplani i rrëzuar është një fluturake e vogël në të cilën ndodheshin dy persona. Të dytë kanë pësuar lëndime dhe janë dërguar në spital me autoambulancë njëri dhe me helikopter (Rega) tjetri.
Siç shkruan bernerzeitung.ch specialistë të fushave të ndryshme po e pastrojnë vendin nga mbetjet e aeroplanit të shkatërruar.
Ende nuk ka informacione lidhur me shkakun e aksidentit dhe as lidhur me rrethanat nëse fluturakja është rrëzuar gjatë manovrimit të nisjes apo të aterrimit.