A do të ketë edhe këtë vit rritje të fuqishme të pagave në Gjermani?

Gjermania regjistroi rritjen më të fortë të pagave reale që nga viti 2008 vitin e kaluar, njoftoi Zyra Federale e Statistikave në Wiesbaden.

“Pagat reale janë rritur me 3,1 për qind krahasuar me 2023 vitin e kaluar. Pagat nominale janë rritur me 5,4 për qind, ndërsa në të njëjtën kohë çmimet e konsumit janë rritur me 2,2 për qind”, thuhet në njoftimin e Entit të Statistikave.

Arsyeja e rritjes më të fortë të pagave reale që nga viti 2008, kur kjo vlerë është monitoruar statistikisht, janë pagesat e njëhershme për të zbutur efektet e inflacionit në vitet e fundit, të cilat kanë marrë shumë punonjës, si dhe shumë kontrata kolektive të favorshme për punonjësit, të lidhura vitin e kaluar.

Pagat reale nuk u rritën më parë

Në vitet e mëparshme, për shkak të pandemisë dhe faktorëve të ndryshëm globalë si lufta në Ukrainë, pagat reale nuk u rritën, madje në vitin 2022 ato u ulën.

Pavarësisht rritjes së pagave reale vitin e kaluar, për shkak të valës së rritjes së çmimeve në vitet e fundit, pagat reale ende nuk kanë arritur nivelin para pandemisë të vitit 2019.

Megjithatë, siç raportohet nga Instituti për Ekonomi dhe Sociologji (WSI), rritja e pagave vitin e kaluar duhet të lidhet me rritjen e marzheve në disa sektorë gjatë viteve të krizës.

Pagat janë rritur veçanërisht në sektorët e IT dhe komunikimit, si dhe në sektorët e shëndetësisë dhe sociale.

Rritje më e madhe tek femrat

Pagat reale janë rritur me 5.3 për qind te gratë e punësuara.

Këtë vit, ekonomistët nuk presin rritje të ngjashme me vitin e kaluar.

“Një parakusht për një rritje të fortë të pagave reale është një ringjallje e konsiderueshme e aktivitetit ekonomik, i cili nuk është në dukje,” tha Instituti për Ekonominë e Kielit.

Vitin e kaluar, paga mesatare mujore neto për një person beqar pa fëmijë në Gjermani ishte 2,394 euro.

 

 

 

 

---