Zviceranët flasin mesatarisht 17 minuta në ditë me telefon celular

Zviceranët telefonojnë mesatarisht vetëm 17 minuta në ditë me telefonat e tyre celularë ose smartphone, më 2010 mesatarja ishte 29 minuta. Ndërsa përdorimi i internetit në telefonat celularë është rritur ndjeshëm: nga 7 minuta në ditë në vitin 2010, në 49 minuta.

Kështu tregon një anketë e gfs.berne që e kishte realizuar në emër të platformës mobile „Forum”. Hulumti, i cili ishte realizuar në gjithë Zvicrën në dhjetor 2014, gjithashtu tregon se shumica tani përdorin një telefon celular. 97 për qind e popullsisë zvicerane posedon një celular apo smartphone.