KQZ: Ende vazhdon numërimi i votave

Keystone (AP Photo/Vlasov Sulaj)

Komisioni Qendror i Zgjedhjeve ka njoftuar se sot do të vazhdojë numërimi i votave të kandidatëve për deputetë në 19 Qendra Komunale të numërimit.

KQZ ka bërë me dije se sipas të dhënave të fundit deri më 16 shkurt, janë numëruar 73.23% e vendvotimeve, ose gjithsej 1,855 nga 2,533, në kuadër të procesit të numërimit të votave të kandidatëve për deputetë nga zgjedhjet për Kuvendin e Kosovës.

KQZ thotë se vazhdon të sigurojë transparencë dhe korrektësi gjatë procesit të numërimit, i cili pritet të përfundojë së shpejti.