NATO i bën thirrje Gjermanisë të rrisë buxhetin për mbrojtje e prodhim armësh

(KEYSTONE/Gaetan Bally)

Sekretari i Përgjithshëm i NATO-s Mark Rutte i bën thirrje Gjermanisë të rrisë shpenzimet e mbrojtjes dhe prodhimin e armëve.

“Gjermanët kanë bërë shumë gjëra siç duhet që nga fillimi i luftës në Ukrainë”, tha Rutte për edicionin e së dielës të gazetës gjermane Bild.

Ai theksoi mbështetjen e rëndësishme ushtarake të ofruar nga Berlini për Kievin dhe ngritjen e fundit të një baze të Bundeswehr-it në Lituani për të mbrojtur vendet baltike nga agresioni rus.

“Por duke pasur parasysh madhësinë e ekonomisë gjermane, natyrisht do të dëshironim që ata të bënin shumë më tepër”, theksoi ai.

“Gjermania duhet të rrisë shpenzimet e mbrojtjes, do të jetë e nevojshme,” vazhdoi Rutte.

Ai gjithashtu i bëri thirrje ekonomisë më të madhe të Evropës që të rrisë prodhimin e armëve, duke thënë: “Ne duhet të përgatitemi për luftë. Kjo është mënyra më e mirë për ta shmangur atë”.

Rutte e justifikoi kërkesën e tij duke përmendur atë që ai e sheh si shqetësime në rritje: “Jo vetëm që situata me Rusinë është e rrezikshme, por kinezët gjithashtu po zgjerojnë jashtëzakonisht aftësitë e tyre ushtarake”