Sunrise, ofruesi i dytë më i madh i telekomit në Zvicër do të rrisë çmimet

(KEYSTONE/Ennio Leanza)

Nga 1 marsi, ofruesi i dytë më i madh i telekomit në Zvicër do të rrisë çmimet e tij për kontratat e telefonit celular dhe internetit për klientët e rinj dhe ekzistues, përcjell albinfo.ch.

Për shembull, tarifat mujore për planet celulare do të rriten midis 50 cent dhe 1,70 franga, ndërsa planet e internetit do të rriten nga 1,40 deri në 2,30 franga në muaj.

Sipas platformës së konsumatorit Moneyland, Sunrise po përmend kostot më të larta të funksionimit si arsye për rritjen e çmimit.

Ndër arsyet janë rritja me 23 për qind e kostove të energjisë elektrike, pagat më të larta që u paguhen punonjësve, si dhe qiratë më të shtrenjta për dyqanet e tyre.