Kurti: Vota e diasporës ka ndikim 

Kryeministri Albin Kurti në hapjen e forumit të dytë “Ulpiana” ka folur për përfshirjen e diasporës në regjistrimin e popullsisë dhe të drejtën e votës, si dy elemente që i bën ata të ndihen afër me vendin e tyre.

“Ne kemi lejuar diasporën tonë që të votojë sepse ne besojmë se ndikimi i një qeverie i ndikon të gjithë, si ata brenda, ashtu edhe jashtë vendit”, ka thënë Kurti.

Ndërsa ministrja e Punëve të Jashtme dhe Diasporës, Donika Gërvalla, ka thënë se Kosova është me fat për mërgimtarët që ka.

“Ne duhet të investojmë vazhdimisht te njerëzit tanë në diasporë. Ata duhet ta dinë se na përkasin neve, ashtu si qytetarët që jetojnë në Kosovë. Vendi ynë është me fat që ka një diasporë të angazhuar, me lidhje unike në vendin e tyre. Donatorët më të mëdhenj të Kosovës nga viti 1999 janë Gjermania dhe SHBA-të”, tha ajo. Sipas saj, ato i kanë dhënë vendit tonë shumë gjatë 25 vjetëve.