Lajme
Zbulohet ‘thesari’ me litium në vlerë 540 miliardë dollarë që ndryshon përgjithmonë ekonominë botërore
Një studim i publikuar së fundmi në SHBA ka zbuluar se nën Detin Salton, në Kaliforninë jugore, fshihet një sasi “mbresëlënëse” e litiumit, që ka surprizuar shkencëtarët.
Liqeni më i madh i shtetit ndodhet mbi një depozitë me litium, diçka që shkencëtarët e dinin tashmë, por ajo që ata nuk e dinin ishte sasia e këtij elementi kimik.
Departamenti i Energjisë financoi një studim që filloi të hulumtonte Detin Salton në përpjekje për të analizuar saktësisht se sa litium shtrihej nën trupin e tij dhe u zbulua se ka 18 milionë tonë litium, i cilësuar si ‘ari i bardhë’ për shkak të vlerës dhe pamjes së tij.
Guvernatori i Kalifornisë, Gavin Newsom, e ka quajtur Detin Salton si “Arabia Saudite e minierave të litiumit” dhe gjetjet e studimit me siguri vërtetojnë arsyen.
18 milionë tonë litium do të mjaftonte për të prodhuar më shumë se 382 milionë bateri për automjetet elektrike, ndaj kjo e bën depozitën me bazë në Kaliforni më të madhen në botë.
Një ton metrikë litium vlen rreth 29,000 dollarë, kështu që duke pasur parasysh këtë shifër, Deti Salton mund të fshehë mallra me vlerë 540 miliardë dollarë, transmeton A2 përcjell albinfo.ch.
Një nga 22 autorët e studimit, Michael McKibben, një profesor i gjeokimisë në Universitetin e Kalifornisë, Riverside, tha për gjetjet: “Kjo është një nga depozitat më të mëdha të litiumit në botë dhe mund t’i bëjë Shtetet e Bashkuara plotësisht të vetëmjaftueshme në litium dhe të ndalojnë importimin e tij nga Kina”.
Sammy Roth, një kolumnist i klimës për Los Angeles Times, tha për emisionin e radios KJZZ: “Është e ditur prej një kohe të gjatë që ka një grumbull litiumi thellë nën skajin jugor të Detit Salton. Ky raport i ri i qeverisë federale është me të vërtetë mbresëlënës. Ata zbuluan se ka potencialisht mjaft litium atje poshtë për të fuqizuar bateritë për 382 milionë automjete elektrike, më shumë automjete sesa janë aktualisht në rrugë në Shtetet e Bashkuara”.
E-Diaspora
-
Studentët e Fakultetit të Arteve përfaqësojnë Kosovën në Festivalin Ndërkombëtar të Filmit në Oberhausen Filmi i shkurtër “Prej 6-ve në 5” është përzgjedhur në garën ndërkombëtare të edicionit të 72-të... -
Komedia “Ne dhe Ata” në Bernë: humor dhe reflektim mbi jetën në diasporë -
SHBA
Shqiptarja nga Kosova pranohet në një nga specializimet më konkurruese në SHBA -
Gjermani
Lionela Jakaj në finalen e “The Voice Kids”, 14-vjeçarja shqiptare synon fitoren në Austri -
Suedi
Muaji i Frankofonisë në Stokholm shënohet me aktivitete kulturore nga Ambasada e Kosovës
Jeta në Austri
-
Udhëheqësit austriakë shtyjnë përpara reformën në shëndetësi Austria përshpejton bisedimet për reformën shëndetësore, duke synuar një drejtim të unifikuar të pacientëve dhe një... -
Gjermani
Lionela Jakaj në finalen e “The Voice Kids”, 14-vjeçarja shqiptare synon fitoren në Austri -
Afër Pashkëve, 8,300 lepuj ngordhin në trafikun rrugor në Austrinë e Poshtme -
Edhe Austria ndalon Rrjetet Sociale për fëmijët nën 14 vjeç -
Austri
Në Parlamentin e Austrisë, të premten mbahet konferenca „Kosova në BE“










