Topalli: Vota e diasporës, shpëtim për Shqipërinë

Drejtuesja politike e PD të Shqipërisë për Diasporën, Jozefina Topalli po qëndron në New York të SHBA-së ku është duke zhvilluar takime intensive me shqiptarët të cilët jetojnë në SHBA.

Në Kishën e Zojës Shkodër në New York, Topalli foli për domosdoshmërinë për votën e emigrantëve si mundësia kyçe, që Shqipëria ka, për të mos rrëshqitur drejt zbrazjes së parikuperueshme.

“Në zgjedhjet e ardhshme, për herë të parë, diaspora do të ketë mundësinë të votojë nga jashtë. Mbase jeni mundësia kyçe, qe Shqipëria ka, për te mos rrëshqitur drejt zbrazjes te parikuperueshëm.Zëri juaj duhet të dëgjohet dhe angazhimi juaj është jetik për të ndihmuar Shqipërinë të përmbushë premtimin e saj te humbur. Të dashur bashkëkombës, largimi nuk është një rrugë pa kthim. Le të bashkojmë forcat.”, tha Topalli.