Lorian Musa, i treti në Kampionatin zviceran të karatesë

Në një sfidë aspak të lehtë Loriani doli i treti në podium ku u shpërblye me medalje të bronztë

Lorian Musa, djaloshi 14 vjeçar me prejardhje nga Mitrovica, prej tashmë një viti e gjysmë është pjesë e ekipit nacional të karatesë së Zvicrës. Pjesëtari i klubit Karaté Club Valais në kantonin e Valais-it, të dielën më 27.10.2024 në Sursee, Kantoni i Lucernit, ka zënë vendin e tretë në garat nacionale të karatesë të Zvicrës.

Si çdo vit deri më tash, angazhimi dhe puna e tij precize bëjnë që në të shumtën e kampionateve ku Lorian Musa merr pjesë të shpërblehet me medalje apo trofe.

Në një sfidë aspak të lehtë Loriani doli i treti në podium ku u shpërblye me medalje të bronztë!

 

 

Një djalë energjik, i thjeshtë e mendjemprehtë, i cili trajnohet nën ombrellën e trajnerit të njohur Olivier Knupfer Duc e Iliana Bartolota. Ai mbështetet gjithashtu nga mbarë stafi i trajnerëve të ekipit nacional të Zvicrës dhe tashmë edhe nga vëllai i tij, trajneri Lorik Musa i cili nga afër ndjek punën e tij. Këtu bën pjesë edhe miku i tij, zvicerani Swan Lorenz i cili po ashtu është pjesë e ekipit nacional dhe numër dy në botë sipas renditjes sportive botërore.

Në vitin 2025 Loriani do të garojë në një kategori të re, pra edhe jashtë territorit të Zvicrës.

---